Hún er undir mikilli smásjá þessa dagana, Meghan Markle, sem mun ala bresku konungsfjölskyldunni lítinn erfingja von bráðar. Þrátt fyrir það gefur hún sér tíma til að bjóða góðum vinum í morgunkaffi eins og henni einni er lagið.
Förðunarfræðingurinn Daniel Martin deildi mynd á Instagram-síðu sinni er hann snæddi brauð með avocado heima hjá Meghan og Harry nú á dögunum. Daniel er góðvinur hertogaynjunnar til margra ára og sá til að mynda um förðunina í brúðkaupinu.
Meghan virðist vera hrifin af avocado því hún skrifaði eitt sinn á bloggsíðuna „The Tig“ að hún hafi alist upp í Los Angeles og sé sönn Kaliforníustelpa þar sem jóga, ströndin og nokkur avocado geta læknað flestallt.