Matur | mbl | 6.3.2019 | 14:01

Fylltar kartöflur með eggi og beikoni

Kvöldverðurinn fyrir okkur öll sem elskum egg og beikon. mbl.is/Winnie Methmann

Af hverju höfum við ekki smakkað þessa snilldarútgáfu fyrr? Hér er brauðinu sleppt, sem annars er algeng sjón með hráefnum sem þessum, og kartafla notuð í staðinn. Útkoman verður frábær kvöldmatur sem þú mátt alls ekki láta fram hjá þér fara.

Fylltar kartöflur með eggi og beikoni

4 stórar bökunarkartöflur
½ msk. ólífuolía
1 dl gróft salt

Fylling:

200 g beikon
2 avocado
4 egg
Salt og pipar
Handfylli púrrulaukur
150 g blandað salat

Aðferð:

Hitið ofninn í 200°. Skerið kross í kartöflurnar sem fer í gegnum þær miðjar og smyrjið þær að innan með ólífuolíu.
Dreifið salti á botninn á eldföstu móti og leggið kartöflurnar ofan á. Stráið salti yfir kartöflurnar. Bakið í ofni í 1 klukkustund eða þar til þær eru orðnar mjúkar.
Fylling: Steikið beikonið stökkt á þurri pönnu. Leggið því næst á eldhúspappír og leyfið fitunni að leka af.
Skerið avocado í skífur.
Þrýstið aðeins á kartöflurnar þannig að þær opnist betur og búið til smá pláss fyrir eggin. Sláið einu eggi ofan í hverja kartöflu og setjið aftur inn í ofn í 5 mínútur eða þar til eggjahvíturnar eru orðnar „fastar“.
Toppið hverja kartölfu með beikoni, avocado-skífum, salti, pipar og púrrulauk.
Berið fram með fersku salati.