Matur | mbl | 26.3.2019 | 16:06

Sultaður rauðlaukur er algjört sælgæti

Sultaður rauðlaukur er frábær á t.d. hamborgara. mbl.is/Madensverden.dk

Við erum að tala um auðveldustu útfærslu á sultuðum rauðlauk sem smakkast eins og sælgæti á hamborgara sem og annan mat. Þú þarft ekkert að hugsa þig um – bara draga fram krukku og baða rauðlaukinn upp úr ediki og nokkrum piparkornum. Ef þú þorir í djarfara bragð má vel setja engifer eða kanilstöng út í til að krydda blönduna aðeins meira.

Sultaður rauðlaukur er algjört sælgæti

150 g vatn
150 g edik
75 g sykur
10 piparkorn
4 rauðlaukar

Aðferð:

Setjið lítinn pott á borðvigt og vigtið vatn, edik og sykur þar ofan í. Setjið líka piparkornin í pottinn.
Hitið blönduna og hrærið þar til sykurinn hefur blandast vel saman við.
Takið pottinn af og leyfið blöndunni að kólna.
Skerið rauðlaukinn í þunnar skífur eða aðeins þykkari báta, allt eftir smekk.
Setjið laukinn í krukku með loki. Hellið edikblöndunni yfir og veltið krukkunni aðeins. Setjið blönduna inn í ísskáp í það minnsta 3 tíma áður en þú notar hann, helst yfir sólarhring.