Matur | mbl | 2.4.2019 | 11:03

Kjötbollurnar sem sagðar eru betri en í IKEA

Sænskar kjötbollur eins og þær gerast bestar. mbl.is/Joe Lingeman

Við erum mögulega að sjá hér uppskrift að sænskum kjötbollum sem er betri en þú færð í IKEA, en þar þykja bollurnar vera afar ljúffengar. Samkvæmt Ingvar Kamprad, stofnanda verslunarinnar á enginn að versla á tóman maga og þannig hófst kjötbolluævintýrið í þeirri verslun.

Hér færðu dásamlega uppskrift að ekta sænskum kjötbollum sem fjölskyldan mun elska. Þú getur borið þær fram með kartöflumús og sultu á kantinum eða jafnvel eggjanúðlum, hrísgrjónum og gufusoðnu grænmeti – allt í boði.

mbl.is/Joe Lingeman

Sænskar bollur betri en í IKEA (fyrir 6-8)

Kjötbollur:

350 g nautahakk
350 g svínahakk
¾ bolli brauðrasp
¼ bolli mjólk
1 stórt egg
1 stór laukur
2 hvítlauksrif
1 tsk. kosher-salt
¼ tsk. múskat
⅛ tsk. allspice-krydd

Sósa:

2 msk. ólífuolía
2 msk. ósaltað smjör
3 msk. hveiti
2 bollar kjötkraftur
½ bolli matreiðslurjómi
Pipar

Aðferð:

Kjötbollur:

Setjið öll hráfefnin í stóra skál og notið hendurnar til að blanda öllu saman.
Mótið bollur (sirka 2 msk. hver) og setjið á bökunarpappír.
Hitið 1 msk. af olíu og 1 msk. af smjöri á pönnu á meðalhita. Setjið helminginn af kjötbollunum út á pönnuna og brúnið á öllum hliðum, sirka 8 mínútur í heildina. Setjið bollurnar til hliðar og endurtakið með restinni af olíunni, smjörinu og bollunum og leggið þær síðan til hliðar.

Sósa:

Dreifið hveiti yfir fituna á pönnunni og skrapið fituna upp með trésleif. Hitið hveitið í 1 mínútu og bætið þá kjötkrafti út á pönnuna – pískið þar til blandan byrjar að malla.
Setjið kjötbollurnar út á pönnuna ásamt öllum safanum sem hefur lekið á bökunarpappírinn og eldið í 10 mínútur. Leyfið þeim að malla á pönnunni þar til eldaðar í gegn og sósan hefur þykknað.
Takið pönnuna af hitanum og bætið matreiðslurjómanum út á. Saltið og piprið eftir smekk.
Berið fram fram með því meðlæti sem óskast.