Matur | mbl | 3.4.2019 | 14:07

Ómótstæðilegar múffur með Dumle

Þessar múffur eru algjört dúndur. mbl.is/Madensverden.dk

Þær eru algjör sprengja þessar múffur sem við kynnum hér til leiks. Uppskriftin er einföld, hráefnið er eitthvað sem allir ættu að eiga í skúffunum heima og þær bragðast vel. Dumle-karamellurnar eru undirstaðan í þessari uppskrift sem getur ekki klikkað.

Ómótstæðilegar múffur með Dumle

250 g hveiti
25 g kakó
1 tsk. lyftiduft
1 tsk. matarsódi
1 tsk. vanillusykur
Salt á hnífsoddi
50 g dökkt súkkulaði
150 g bráðið smjör
250 g sykur
2 egg
12 Dumle

Aðferð:

Hitið ofninn í 200°C á undir- og yfirhita.
Taktu fram 2 skálar. Settu hveiti í aðra ásamt kakó, lyftidufti, natron, vanillusykri, salti og hökkuðu súkkulaði. Í hina skálina skaltu hræra saman bráðnu smjöri við sykur og egg.
Blandið smjörblöndunni saman við þurrblönduna þar til deigið verður slétt.
Setjið góða matskeið af deigi í 12 muffinsform og leggið einn Dumle-mola í hvert form. Setjið því næst aftur góða matskeið af deigi yfir Dumle-molann. Deigið á að duga í 12 form, en það fer að sjálfsögðu eftir stærðinni á formunum.
Setjið í ofn í 20 mínútur. Fylgist samt með hvort kökurnar séu búnar að fá nóg eða þurfa meiri tíma.
Takið úr ofni og leyfið að standa í 15 mínútur áður en bornar fram.