Matur | Húsráð | mbl | 10.4.2019 | 5:06 | Uppfært 7:17

Þetta vissir þú ekki um sykur

mbl.is/thedailystar.net

Sykur er sætur og ætur – og frábær í svo margt annað en að maula á, til dæmis þessi atriði sem við tókum saman hér fyrir neðan.

Hreinsaðu kaffikvörnina
Til að hreinsa kaffikvörnina setur þú einfaldlega ¼ bolla af sykri í kaffikvörnina og lætur hana ganga í nokkrar mínútur. Sykurinn mun hreinsa kvörnina vel í gegn, en mundu bara að þrífa hana vel á eftir.

Kökubakstur
Ef þú leggur nokkra sykurmola ofan í loftþétt box eða kökudós, munu bæði brauð og kökur haldast fersk í lengri tíma.

Osturinn lengi lifi
Þú færð ostinn til að auka líftíma sinn í ísskápnum með því að leggja sykurmola í ílátið sem þú geymir ostinn í.

Grasgrænka
Grasgrænka getur reynst mörgum foreldrum áskorun í þvottahúsinu. Gott húsráð er að blanda saman sykri og heitu vatni þar til blandan verður þykk og leggja á grasblettinn. Látið þetta liggja á flíkinni í tíma eða tvo og þvoið svo samkvæmt leiðbeiningum.