Spínatbaka sem er algjört æði

Spínatbaka með laxi og furu­hnet­um (fyr­ir 4)

Botn:

• 100 g heil­hveiti
• 50 g haframjöl
• 25 g hveiti
• ½ tsk. salt
• 3 msk. ólífu­olía
• 1 msk. sýrður rjómi 18%
• ½ dl kalt vatn

Spínatfyll­ing:

• 300 g ferskt spínat
• 1 tsk. ólífu­olía til að steikja
• 200 g fersk­ur lax
• Ferskt dill
• 3 egg
• ½ dl sýrður rjómi 18%
• 200 g kota­sæla
• ½ sítr­óna
• ½ tsk. þurrkaðar chili­f­lög­ur
• salt og pip­ar
• 30 g furu­hnet­ur

Aðferð:

Botn:

1. Hitið ofn­inn í 200°C. Blandið sam­an heil­hveiti, haframjöli, hveiti og salti í skál. Hrærið olíu og sýrðum rjóma út í. Bætið kalda vatn­inu út í smátt og smátt þar til deigið er orðið slétt og fínt.
2. Þrýstið deig­inu í smurt tertu­form (24 cm) með fingr­un­um, þannig að deigið fylli bæði botn og kanta. Stingið í botn­inn með gaffli og bakið í ofni í 10 mín­út­ur.

Spínatfyll­ing:

1. Skolið og þurrkið spínatið. Hitið pönnu með olíu og steikið spínatið í nokkr­ar mín­út­ur þar til það skrepp­ur sam­an.
2. Skerið lax­inn í ten­inga. Hakkið dillið fínt og rífið með rif­járni börk­inn á sítr­ón­unni. Pískið egg, sýrðan rjóma, kota­sælu og dill sam­an í skál og kryddið blönd­una með rifn­um sítr­ónu­berki, chili­f­lög­um, salti og pip­ar.
3. Dreifið spínati og laxi yfir tertu­botn­inn og hellið eggja­blönd­unni yfir. Dreifið furu­hnet­um yfir.
4. Bakið í ofni í 35 mín­út­ur eða þar til bakað í gegn og eggja­bland­an er ekki leng­ur fljót­andi.
5. Ber­ist strax fram og jafn­vel með lit­ríku og góðu sal­ati.