Vefjur sem hitta í mark
Setja bókamerki
Tengdar fréttir
Uppskriftir
Vefjur eru í miklu uppáhaldi hjá undirritaðri enda hlýtur það að teljast ansi snjallt að geta sett allan matinn í eina vefju og rúllað upp. Með því móti er hægt að taka vefjuna með hvert sem er og hún hentar jafn vel í kvöldmatinn eins og í nesti.
Hér er Berglind Hreiðarsdóttir á Gotteri.is með tvær útgáfur af vefjum sem eru hvor annarri girnilegri.
Suðræna vefjan er hinn fullkomni sumarkvöldverður og svo er hin meira á léttu nótunum. Pikknikkvefjan er góð í nestisboxið, fjallgönguna eða sem hádegisverður að mínu mati en suðræna vefjan er matarmeiri.
Vefjur sem hitta í mark
Suðræn vefja uppskrift
- 6 stk. (1 pk) Mission Wraps vefjur með grillrönd
- 900 g kjúklingabringur (3-4 stk) t.d. Rose Poultry
- 8-10 msk. Sweet BBQ sósa frá Heinz
- ⅓ ferskur ananas
- ½ mangó
- íssalat
- rauðlaukur
- vorlaukur
- kóríander
- rifinn ostur
- salt, pipar, ólífuolía
Aðferð:
- Skerið grænmeti og ávexti í litla bita, rífið ost og leggið til hliðar.
- Skerið kjúklingabringurnar í litla bita, steikið upp úr ólífuolíu og kryddið til með salti og pipar. Þegar bitarnir eru steiktir í gegn er pannan tekin af hellunni og BBQ sósunni hrært saman við.
- Gerið vefjurnar tilbúnar og setjið vel af kjúklingablöndu, rifnum osti og grænmeti og ávöxtum á hverja köku og vefjið upp.
Hér er svo hin uppskriftin sem kallast Pikknikkvefja og hentar sérdeilis vel í lautarferða á fallegum degi.
Pikknikkvefja uppskrift
- 5 stk. Mission Wraps vefjur með Quinoa og Chia
- 10 skinkusneiðar
- ostsneiðar eftir smekk
- 4 tómatar skornir í sneiðar
- íssalat
- rjómaosta-sinnepssósa (sjá uppskrift að neðan)
Rjómaosta-sinnepssósa
- 200 g Philadelphia rjómaostur við stofuhita
- 2 msk. mjólk
- ½ tsk. salt
- ½ tsk. pipar
- 1 msk. Sweet Yellow mustard frá Hunts
Aðferð:
- Smyrjið vel af rjómaosta-sinnepssósu á hverja vefju.
- Raðið álegginu á vefjurnar og rúllið þétt upp.
- Skerið aðeins af endunum beggja megin og skiptið hverri vefju síðan í fjóra bita.
- Festið hvern og einn bita saman með tannstöngli eða öðru slíku.
- Fullkomið í lautarferðina, nestisboxið eða hvað sem er.
Tengdar fréttir
Uppskriftir
Öll fangelsi hafa verið yfirfull
Hæsta framlag allra miðað við höfðatölu
Róðurinn þyngist hjá kaffihúsum
Ráðherra gaf rangar upplýsingar um meðferðarheimili
Ráðherra og fjármálaráðgjöfin sem ekki var
Þungar áhyggjur af kostnaði
Uppsagnir komi til vegna breyttra áherslna