Í því stórmagnaða landi, Japan, má finna strætóskýli sem bragð er af. Við erum að tala um skýli í laginu eins og jarðarber, appaelsína, tómatur eða melóna svo eitthvað sé nefnt.

Í bænum Konagai í Nagasaki, voru reist 14 girnileg strætóskýli í laginu eins og ávextir. Upprunalega voru þau byggð fyrir sýningu í Osaka árið 1990 og vöktu heilmikla lukku og hafa verið í notkun síðan.

25 ár eru liðin og enn í dag eru skýlin jafn vinsæl á meðal ferðamanna. Enda einstaklega skemmtileg hugmynd sem mætti innleiða hér á landi og eflaust fá fleiri til að nota samgönguleiða með strætó.