Hummusinn sem þú getur ekki hætt að borða

Humm­us­inn sem þú get­ur ekki hætt að borða

• 3 dós­ir af kjúk­linga­baun­um
• 2 tsk. lyfti­duft
• 3-4 hvít­lauksrif
• 1 tsk. sjáv­ar­salt
• 4-6 tsk. fersk­ur sítr­ónusafi
• ⅔ bolli ses­am tahini
• ½ tsk. cumm­in
• ⅛ tsk. rauðar pipar­flög­ur
• Ólífu­olía
• Ristaðar furu­hnet­ur
• Söxuð stein­selja
• Grilluð eða sæt papríka

Aðferð:

1. Setjið kjúk­linga­baun­irn­ar í pott og hellið köldu vatni í pott­inn þannig að það fljóti yfir baun­irn­ar. Bætið lyfti­dufti út í og hrærið vel í. Hitið að suðu og „veiðið“ upp alla froðu sem mynd­ast í pott­in­um. Setjið lok á pott­inn og lækkið vel niður í hit­an­um. Látið malla í 30 mín­út­ur eða þar til baun­irn­ar eru orðnar mjúk­ar. Fjar­lægið allt „bauna­hýði“ sem flýt­ur upp úr pott­in­um og end­ur­takið þar til mest­allt hef­ur skilið sig að frá baun­un­um.
2. Setjið hvít­lauksrif, salt og sítr­ónusafa í bland­ara og látið hann vinna þar til bland­an verður að hálf­gerðri „pur­ré“. Setjið blönd­una í litla skál og látið standa í 10 mín­út­ur. Takið þá fram aðra skál og hellið blönd­unni yfir í gegn­um sigti og hendið öllu því sem ekki nær í gegn­um sigtið. Hellið blönd­unni aft­ur í bland­ar­ann.
3. Bætið tahini, cumm­in og rauðum pipar­flög­um út í bland­ar­ann og blandið sam­an. Bætið ¼ bolla af ís­köldu vatni smátt og smátt og blandið sam­an þar til bland­an verður mjúk og þykk (ekki of þykk).
4. Setjið soðnu kjúk­linga­baun­irn­ar út í og haldið áfram að hræra sam­an. Bætið við mat­skeið af vatni ef þörf er á. Látið bland­ar­ann vinna þar til út­kom­an verður krem­kennd, létt í sér og mjúk.
5. Kryddið ef þörf er á með salti, sítr­ónusafa eða cumm­in.
6. Setjið humm­us­inn í litla skál eða disk og dreypið góðri ólífu­olíu yfir ásamt ristuðum furu­hnet­um, smátt saxaðri stein­selju og papriku.
7. Humm­us­inn er full­kom­inn með litlu snakki eða góðu kexi.