Matur | mbl | 16.7.2019 | 14:13

Kjúklingaspjót með hnetusósu

Kjúklingaspjót með brjálæðislegri dressingu eru komin á borðið. mbl.is/Damndelicious.net

Þessi kjúklingaspjót eru alveg geggjuð og veisla fyrir bragðlaukana. Í raun er sósan sem fylgir með enn betri og í raun myndi það ekki skipta máli hvort ykkur þætti kjúklingurinn góður (sem hann er) eða ekki þar sem sósan er algjör himnasending.

Kjúklingaspjót með hnetusósu

¼ bolli kókosmjólk
2 msk. Kikkoman sojasósa
2,5 tsk. karrý
1,5 tsk. turmerik
3 hvítlauksrif, marin
1 msk. nýrifið engifer
1 msk. púðursykur
1 msk. fiskisósa
1 kg úrbeinuð kjúklingalæri frá Ali, skorin í 3 sm bita
1 msk. canola olía
sjávarsalt og pipar

Hnetusósa:

3 msk. hnetusmjör
1 msk. sojasósa
1 msk. lime safi
2 tsk. púðursykur
2 tsk. chili hvítlauks sósa, eða meira eftir smekk
1 tsk. nýrifið engifer

Hnetusósa:

Pískið saman hnetusmjöri, sojasósu, lime safa, púðursykri, chili hvítlaukssósu og engifer. Bætið við 2-3 msk af vatni eða þar til sósan er orðin eins og þú vilt hafa hana.

Aðferð:

Í stórri skál, blandið saman kókosmjólk, sojasósu, karrý, turmerik, hvítlauk, engifer, púðursykri og fiskisósu. Setjið kjúklinginn í skálina og veltið upp úr marineringunni og látið standa í 2 tíma eða yfir nótt. Það má gjarnan velta kjúklingnum upp úr marineringunni annað slagið.
Látið marineringuna leka af kjúklingnum.
Hitið grill á meðal hita og þræðið kjúklinginn upp á pinna. Penslið með canola olíu og saltið og piprið.