Matur | mbl | 24.7.2019 | 14:03 | Uppfært 25.7.2019 12:32

Humar risotto a la Eva Laufey

mbl.is/Eva Laufey

Ef að dagurinn í dag er ekki hinn fullkomni humar-risotto dagur þá veit ég ekki hvað. Þessi uppskrift kemur úr smiðju Evu Laufeyjar sem virðist ekki kunna að búa til vondan mat. Við mælum svo sannarlega með þessari snilld enda fátt betra en kaldur drykkur og silkimjúkt risotto á fögrum degi.

Matarbloggið hennar Evu Laufeyjar er hægt að nálgast HÉR.

Risotto með humri

1 msk ólífuolía + klípa smjör
1 laukur
2 hvítlauksrif
4 dl arborio hrísgrjón
8 dl humarsoð (humarkraftur + soðið vatn)
2 dl hvítvín
Salt og pipar
60-80 g parmesan ostur
2 msk smjör

Ofan á:

Smjörklípa
12 humarhalar (ca 4 humarhalar ofan á réttinn)
Salt og pipar
Steinselja, magn eftir smekk
Ferskur nýrifinn parmesan

Aðferð:

Hitið ólífuolíu í potti og steikið laukinn og hvítlauk í 2-3 mínútur. Bætið arborio grjónum út í og hrærið stöðugt.
Hellið hvítvíninu saman við og leyfið því að sjóða niður, hellið næst humarsoðinu smám saman við og hrærið mjög vel á milli.
Bætið parmesan ostinum og smjörinu saman við í lokin og kryddið til með salti og pipar.
Takið humarinn úr skelinni og hreinsið vel. Þerrið mjög vel og steikið upp úr smjöri á pönnu, kryddið til með smá salti og pipar.
Setjið humarinn yfir hrísgrjónin, saxið niður steinselja og rífið niður parmesan og sáldrið yfir réttinn eftir smekk.