Við erum komin í heimsókn í dásamlegt sumarhús á hjólum sem spannar hvorki meira né minna en 15 fermetra og er með allt til alls. Hér er rými fyrir eldhús, salerni, svefnaðstöðu og eldhúsborð. Húsinu var komið fyrir á lóð og eina sem þurfti til var að tengja slöngu fyrir vatnið.

Húsið er staðsett í Danmörku, en eigendurnir eru sannkallaðir fjarsjóðsmenn – því þau hafa í gegnum árin verið dugleg á flóamörkuðunum þar í landi og safnað að sér ýmsum hlutum sem komu að góðum notum í þessu litla smáhýsi.

Hér er allt sem þú þarft á að halda til að ná fullkominni slökun. Rúm, gott kaffi og salerni. Ekkert sjónvarp eða önnur raftæki sem stela athyglinni frá umhverfinu í kringum húsið. Spennandi bók liggur við hlið rúmsins og mun halda þér við efnið yfir helgina. Hljómar vel ekki satt?