Borðum við því við erum svöng eða af því að okk­ur líður vel eða illa? Erum jafn­vel stressuð eða leið! Sum okk­ar erum til­finn­inga­lega tengd mataræðinu og sveifl­umst fram og til baka með hvað við lát­um ofan í okk­ur.

Við borðum of mikið
Við get­um átt það til að borða yfir okk­ur til að deyfa ákveðnar til­finn­ing­ar. Þegar þér finnst þú þurfa að borða af ann­arri ástæðu en hungri einu sam­an, dragðu þá djúpt inn and­ann og settu at­hygl­ina á and­ar­drátt­inn. Taktu eft­ir því hvort þú sért svang­ur/​svöng í raun og veru og hvað það er ná­kvæm­lega sem þig lang­ar í. Farðu jafn­vel úr því um­hverfi sem þú ert stadd­ur/​stödd í og drekktu stórt glas af vatni. Leiddu hug­ann að því sem þú ert þakk­lát/​ur fyr­ir akkúrat á þessu augna­bliki.

Nú­vit­und
Það er gott að staldra aðeins við og leiða hug­ann að því sem er að ger­ast í kring­um okk­ur. Vera í nú­inu. Hér eru nokk­ur atriði sem hafa má í huga þegar við erum að borða til að njóta bet­ur mat­ar­ins.

• Slökktu á sjón­varp­inu eða legðu frá þér bók­ina sem þú ert að lesa, allt sem tek­ur at­hygl­ina þína frá matn­um sjálf­um. Og alls ekki liggja yfir sím­an­um á meðan þú borðar.
• Reyndu að meta mat­inn sem er fyr­ir fram­an þig, hvaðan hann kem­ur.
• Legðu frá þér hnífa­pör­in við hvern munn­bita.
• Tyggðu mat­inn vel og virtu fyr­ir þér bragðið.
• Taktu eft­ir því þegar mag­inn byrj­ar að verða sadd­ur.
• Taktu eft­ir því hvernig þér líður á meðan þú borðar og eft­ir mat­inn.

Stress get­ur fengið okk­ur til að borða of mikið. mbl.is/​scitecheuropa.eu

Tengd­ar frétt­ir

Dag­legt líf

Það sem stór­stjörn­urn­ar elska að borða

• Það besta sem bæj­ar­stjór­arn­ir fá
• Áslaug fær sér harðfisk með tabasco-sósu
• Gripið og greitt ný sjálf­af­greiðslu­lausn í Bón­us
• Þetta er kak­an sem Kristrún bauð Frederik­sen upp á

» Fleiri tengd­ar frétt­ir

• Blogga um frétt