Matur | mbl | 30.7.2019 | 16:07

Kjúklingarétturinn sem gerir alla glaða

Hér er öllu skellt inn í ofn á sama tíma. Kjúklingur með pestó og ofnbakaðir smátómatar - stórkostlegt! mbl.is/Joe Lingeman/Kitchn

Hér er ein af þessum uppskriftum sem þú getur nánast gert blindandi og inniheldur ekkert „vesen“. Allt mjög einfalt í þessari matargerð og fá hráefni. Að sama skapi er þetta einstaklega bragðgóð uppskrift sem allir á heimilinu munu elska. Og ef svo ólíklega vill til að einhver afgangur verði á þessum kjúklingarétti, þá geymist hann í allt að 4 daga inn í ísskáp í lofttæmdu íláti.

30 mínútna pestó kjúlli (fyrir 4)

4 bollar kirsuberjatómatar
1 msk. ólífuolía
sjávarsalt og pipar
4 kjúklingabringur frá Ali
¼ bolli grænt pestó

Aðferð:

Hitið ofninn á 200°C.
Leggið tómatana á bökunarpappír á bökunarplötu. Stráið olíu yfir ásamt salti og pipar og veltið aðeins upp úr blöndunni. Dreyfið úr tómötunum á plötunni.
Saltið og piprið bringurnar og leggið á bökunarplötuna. Setjið pestó ofan á hverja bringu.
Hitið í ofni þar til kjúklingurinn er eldaður í gegn og tómatarnir bakaðir eða hafa jafnvel sprungið – sirka 25-30 mínútur.
Berið fram kjúklinginn með tómötunum og jafnvel auka pestó til hliðar.