Barnið bað um epli en kann ekki að skera það í báta! Það fer að líða að því að skólarnir byrji aftur og þá tekur við að smyrja nesti á mörgum heimilum. Það er afar gott að taka með sér hollustunammi inn í vinnudaginn, sama hvort þú ert í skóla eða annað.

Þegar við höfum skorið eplið í báta eða sneiðar verður það fljótt brúnt og leiðinlegt á litinn, sérstaklega ef við borðum það ekki strax. En hér fyrir neðan má fylgja einföldum skrefum og eplið mun haldast ferskt eftir að hafa vera skorið.

• Fjarlægðu kjarnann úr miðjunni á eplinu með kjarnhreinsi.
• Skerðu eplið í báta eða sneiðar.
• Passaðu að eplið haldist saman (eins og heilt) og settu kjarnann aftur inn í miðju eplisins.
• Settu teygju utan um eplið svo það falli ekki í sundur.
• Og eplið mun haldast ferskt og gott í nestispakkanum.