Krúttlegar snakk-myndir birtust á Instagram síðu Khloe Kardashian í vikunni sem teknar voru af frænkunum Chicago og True á ströndinni á Bahamas.

Litlu stelpurnar á myndunum eru dætur systrana Khloe og Kim og virtust njóta sín í botn með stóra snakkpoka um hönd – önnur með Cheetos Puffs og hin með veggie straws. En undir myndina skrifar Khloe; „I heard my mama say vacation calories don´t count“. Við látum ekki segja okkur það tvisvar! En þær Kardashian systur hafa til þessa verið áberandi í sviðsljósinu hvað mataræði varðar.

Stelpurnar sáust einnig með kalda svalandi drykki um hönd og True rokkaði hvítum sólgleraugum á einni myndinni. En þessar litlu krúttbombur eiga ekki langt að sækja stílinn og munu eflaust vera farnar að telja kalóríur áður en langt um líður.