Kjúklingasúpa á ítalska vísu (fyrir 4)

• 500 g kjúklingabringur frá Ali
• 2 stór hvítlauksrif
• 2 blaðlaukar
• 1 msk. ólífuolía
• sellerírót
• 3 stórar gulrætur
• 1,5 L grænmetiskraftur
• 200 g makkarónur
• 2,5 dl rjómi
• 500 g ferskt spínat
• 300 g frosnar baunir
• 1 sítróna
• salt og pipar
• handfylli fersk steinselja

Aðferð:

1. Pressið hvítlaukinn og skerið blaðlaukinn í þunnar skífur. Steikið laukana upp úr ólífuolíu í stórum potti.
2. Hreinsið og skerið sellerírótina í teninga. Skrælið gulræturnar og skerið í skífur. Steikið hvoru tveggja í pottinum í nokkrar mínútur.
3. Bætið við grænmetiskrafti og setjið kjúklinginn út í pottinn - látið súpuna sjóða í 20 mínútur þar til grænmetið er orðið mjúkt og kjúklingurinn gegnumsteiktur.
4. Takið kjúklinginn upp úr pottinum og rífið hann með tveimur göfflum.
5. Setjið makkarónurnar í pottinn og látið sjóða þar til al dente.
6. Bætið þá kjúklingnum aftur út í ásamt spínati og frosnum baunum. Hrærið í þar til spínatið hefur fallið saman.
7. Smakkið til með nýpressuðum sítrónusafa, salti og pipar.
8. Berið fram með saxaðri steinselju.