Matur | mbl | 28.8.2019 | 17:12

Stórkostlegir skinkumánar

Skinkumánar er fullkomnir að eiga í frysti fyrir svanga skólakrakka. mbl.is/Tia Borgsmidt

Skinkumánar er sívinsælir og það er gargandi snilld að eiga slíka alltaf til í frysti. Þá er upplagt að taka nokkur stykki út úr frysti að morgni og láta þiðna á borði þar til krakkaskarinn kemur heim úr skólanum – svangir að vanda.

Stórkostlegir skinkumánar (30 stk)

25 g ger
4 dl volgt vatn
2 tsk. salt
120 g durum heilhveiti
450 g hveiti

Annað:

1,5 dl pizzasósa
150 g reykt skinka
100 g rifinn pizzaostr
Oregano
Ólífuolía
1 egg til penslunar

Aðferð:

Leysið gerið upp í vatninu. Bætið öðrum hráefnum út í.
Hnoðið deigið þar til það verður slétt og fínt. Látið hefast í 1 tíma.
Skiptið deiginu upp í 30 stk og þrýstið þeim út í flata hringi.
Smyrjið pizzasósunni á og dreifið saxaðri skinku og osti yfir. Stráið oregano og dreypið smá olíu yfir.
Brjótið saman í hálfmána og leggið á bökunarpappír á bökunarplötu.
Penslið með eggi og stráið oregono yfir.
Bakið í ofni við 225° í 12-15 míntúr.