Súkkulaðisynd með saltkaramellukremi og flögusalti

Súkkulaðisynd með salt­kara­mellukremi og flögu­salti (fyr­ir 12)

Botn­ar:

• 200 g mjúkt smjör
• 200 g syk­ur
• 1 tsk. lyfti­duft
• 80 g hveiti
• 3 msk. kakó
• 100 g dökkt súkkulaði
• 3 egg
• 1 tsk. sjáv­ar­salt

Súkkulaðikrem:

• 75 g mjúkt smjör
• 225 g flór­syk­ur
• 125 g mascarpo­ne
• 150 g mjólk­ursúkkulaði
• 100 g val­hnetukjarn­ar

Salt­kara­mella:

• 1 dós niðursoðin mjólk
• 1 dl ljós muscovadosyk­ur
• 50 g smjör
• 1 dl rjómi
• 1 tsk. maldonsalt

Annað:

• Sjáv­ar­salt sem skraut ofan á salt­kara­mell­una.

Aðferð:

Botn­ar:

1. Hrærið smjör og syk­ur sam­an í góðan massa. Sigtið lyfti­duft, hveiti og kakó út í og hrærið vel sam­an.
2. Bræðið súkkulaði yfir vatnsbaði og veltið út í blönd­una. Pískið egg­in út í eitt í einu. Hrærið maldonsalt­inu út í.
3. Hellið deig­inu í smurt smellu­form og bakið kök­una við 175° í 45-50 mín­út­ur, þar til bökuð í gegn. Kælið og skerið botn­inn til helm­inga.

Súkkulaðikrem:

1. Pískið smjör og flór­syk­ur sam­an og hrærið mascarpo­neost­inn út í. Bræðið súkkulaðið yfir vatnsbaði og hrærið út í smjörkremið. Smyrjið krem­inu ofan á ann­an botn­inn og leggið hinn ofan á.
2. Hakkið hnet­urn­ar gróft og ristið á þurri pönnu. Dreifið þeim yfir kök­una og setjið í kæli í 1 tíma.

Salt­kara­mella:

1. Setjið öll hrá­efn­in sam­an í pott og látið malla í 15 mín­út­ur á meðan þið hrærið jafnt og þétt í kara­mell­unni þar til hún þykkn­ar. Kælið og hellið kara­mell­unni yfir kök­una. Stráið sjáv­ar­salti yfir.