Matur | mbl | 30.9.2019 | 10:37

Kjötbollur með besta blómkálssalati í heimi

Klassískar kjötbollur með blómkálssalati og bragðgóðri dressingu. mbl.is/Winnie Methmann

Það vilja allir á heimilinu hafa kjötbollur í matinn, í það minnsta einu sinni í viku. Hér eru þær klassískar og góðar, bornar fram með blómkálssalati sem margir fullyrða að sé besta blómkálssalat í heimi! En blómkálssalat er eiginlega nútímaútgáfa af kartöflusalati ef svo má segja.

Kjötbollur með æðislegu blómkálssalati

500 g hakk
1 laukur
handfyllli fersk steinselja
2 egg
1 dl haframjöl
1 dl mjólk
salt og pipar
smjör til steikingar

Blómkálssalat:

1 blómkál
2 dl þurrkaðar grænar linsubaunir
125 g grænar baunir
1 rauðlaukur
handfylli ferskt dill
handfylli púrrlaukur
handfylli fersk steinselja
65 g kapers

Dressing:

2 dl sýrður rjómi, 18%
2 tsk. hunang
1 msk. dijon sinnep
Salt og pipar

Aðferð:

Setjið kjötið í skál. Saxið laukinn smátt niður og saxið steinseljuna. Setjið lauk og steinselju út í kjötið ásamt eggi, haframjöli, mjólk, salti og pipar. Setjið í kæli í 30 mínútur.
Formið í litlar bollur og steikið upp úr smjöri á pönnu.

Blómkálssalat:

Skerið blómkálið í litla bita og sjóðið í saltvatni í 3 mínútur, þar til það er meyrt. Skolið því næst undir köldu vatni.
Skolið linsubaunirnar í sigti og sjóðið í léttsöltu vatni í 20 mínútur – látið kólna.
Skerið grænu baunirnar til helminga og sjóðið í léttsöltu vatni í nokkrar mínútur – látið kólna.
Skerið rauðlaukinn í þunnar skífur. Saxið dill, púrrlauk og steinselju smátt. Veltið blómkálinu saman við linsubaunir, baunir, lauk og kryddjurtir ásamt kapers.

Dressing:

Hrærið öll hráefnin saman og smakkið til. Hellið dressingunni yfir salatið og setjið í kæli þar til bera á fram.
Berið fram með blómkálssalati og góðu brauði.