Matur | mbl | 2.10.2019 | 16:52

Heimagerð chilisósa

Heimagerð chilisósa verður ekki betri en þessi hér. mbl.is/Colourbox

Sósuna sem þú munt elska út á flestallan mat er hér að finna. Heimagerð chilisósa er auðveld í framkvæmd og dásamleg sem marinering eða sem dressing út á þann mat sem þarf aðeins að krydda.

Til að finna út hversu sterka sósu þú vilt gera – þá er gott að miða sig við eftirfarandi:
Sterk sósa: Notið 80/20 af sterku vs. mildu chili
Miðlungssterk sósa: Notið 60/40 af sterku vs. mildu chili
Mild sósa: Notið 10/90 af sterku vs. mildu chili

Heimagerð chilisósa

10 blönduð chili
8 cherry tómatar
1 laukur
½ msk. sykur
½ dl rapsolía
1 tsk. salt
½ dl eplasíderedik

Aðferð:

Saxið chili smátt. Skerið tómata, lauk og hvítlauk í lita bita og setjið í blandara ásamt chilíinu.
Bætið restinni af hráefnunum út í og blandið vel saman.
Hellið blöndunni í pott og látið malla í 20 mínútur. Smakkið til.
Hellið sósunni í flösku eða annað lokað ílát og geymið í kæli. Sósan geymist í allt að mánuð í ísskáp.