Matur | mbl | 17.10.2019 | 11:43

Sinnepsfylltur kjúklingur í ostabaði

Gjörsamlega truflaður kjúklingaréttur! Ljósmynd/BBC Good Food

Getur einhver vakið okkur af þessari matar-upplifunar-sælu sem var að eiga sér stað! Kjúklingur í ostabaði er eitthvað sem við sláum aldrei hendinni á móti - það er bara þannig.

Sinnepsfylltur kjúlli í ostabaði

125 g mozzarellakúla, rifin í minni bita
50 g cheddarostur
1 msk. heilkorna sinnep
4 kjúklingabringur
8 beikonskífur

Aðferð:

Hitið ofninn á 180°C á blæstri.
Blandið ostunum og sinnepinu saman.
Skerið rifu á bringurnar og fyllið þær með sinnepsostafyllingunni. Vefjið tveimur beikonskífum utan um hverja bringu og leggið í eldfast mót.
Eldið í 20-25 mínútur eða þar til bringurnar eru eldaðar í gegn.
Berið fram með góðu salati eða hrísgrjónum.