Matur | mbl | 18.10.2019 | 17:08

Djúsí kjúklingaborgari með brie og rauðkálshrásalati

Hér ber að líta á alveg stórkostlega bragðgóðan kjúklingaborgara með hrásalati. mbl.is/Hildur Rut Ingimarsdóttir

Kjúklingaborgari af allra bestu gerð er mættur á borðið! Við lofum að þið hafið ekki smakkað þá betri en þennan, en hann kemur úr eldhúsinu hennar Hildar Rutar sem segir; „þið verðið svo sannarlega ekki svikin af þessum kjúklingaborgara. Þessi er svo ljúffengur og djúsí. Panko raspið og brie osturinn passa einstaklega vel saman. Rauðkálshrásalatið setur svo punktinn yfir i-ið. En það er oft gert á mínu heimili, hvort sem það er með borgara eða taco.“

Djúsí kjúklingaborgari með brie og rauðkálshrásalati (fyrir 2)

1-2 kjúklingabringur
Panko brauðraspur (fæst t.d. Í Hagkaup)
1 egg
Salt og pipar
Krydd eftir smekk
Smjör
2 brioche hamborgarabrauð
Brie ostur
Tómatur
Avocado

Rauðkálshrásalat:

5 dl ferskt rauðkál
3 msk. Hellmanns majónes
1½ msk jalapeno úr krukku

Aðferð:

<ol> <li>Pískið egg í skál. Hrærið saman brauðraspi og kryddi á disk eða skál.</li> <li>Skerið kjúklingabringurnar í tvennt langsum þannig að úr verða tvær þunnar sneiðar.</li> <li>Veltið þeim upp úr egginu og síðan raspinum.</li> <li>Skerið smjör í litla teninga og dreifið í botninn á eldföstu móti. Leggið kjúklinginn ofan á smjörið og dreifið svo fleiri smjörteninga ofan á hann.</li> <li>Bakið í u.þ.b. 30 mínútur við 190°C eða þar til kjúklingurinn er næstum fulleldaður.</li> <li>Skerið brie í sneiðar og dreifið þeim ofan á bringurnar. Setjið bringurnar aftur inn í ofn og bakið í 5-8 mínútur, þar til osturinn er bráðnaður.</li> <li>Hitið hamborgarabrauðin í ofni og dreifið hrásalatinu á botninn. Setjið kjúkling, tómata, avocado og lokið borgaranum</li> <li><strong>Rauðkálshrásalat: </strong>Blandið saman majónesi, jalapeno og salti með töfrasprota eða matvinnsluvél. Skerið rauðkálið í ræmur og blandið saman við jalapenomajónesið með skeið.</li> </ol>