Matur | mbl | 21.11.2019 | 15:07

Lúxus-andasalat með ævintýralegu bragði

Ferskt salat með andabringu og granatepli. mbl.is/Alt.dk_Tia Borgsmidt

Besta salat ársins er hér komið á borð, fallegt og bragðgott — eða sannkölluð himnasending fyrir bragðlaukana. Rétturinn er fullkominn sem kvöld- og hádegismatur því þú munt ekki geta hætt að borða hann.

Himnasending í salati með granateplum

1 andabringa
½ lítri kraftur
Salt og pipar
2 msk. ólífuolía
3 msk. sojasósa
1 msk. síróp
sjávarsalt og pipar

Salat:

200 g grænar baunir
250 g hvítkál (má líka vera rautt)
Hjartasalat

Dressing:

1 tsk. dijon sinnep
4 msk. jómfrúarolía
2 msk. epla- eða hvítvínsedik
1-2 tsk. skallotlaukur, smátt skorinn
sjávarsalt og pipar

Annað:

50 g fetaostur
1 msk. ólífuolía
Granatepli

Aðferð:

Sjóðið andabringuna upp úr krafti í einn klukkutíma. Takið kjötið upp og látið kólna þar til volgt. Fjarlægið fituna og rífið kjötið í minni bita með gaffli.
Snyrtið baunirnar og sjóðið þær í 5 mínútur upp úr léttsöltuðu vatni. Látið kólna í sigti.
Skerið hvítkálið og hjartasalatið smátt. Setjið volgar baunirnar, hvítkálið og salatið á fat.
Pískið hráefnin í dressinguna saman og veltið salatinu upp úr.
Steikið öndina upp úr olíu, sojasósu og sírópi í nokkrar mínútur.
Dreifið kjötinu yfir salatið og myljið fetaost yfir. Dreifið granateplakjörnum yfir allt saman og berið fram með góðu brauði.