Flest okkar hafa lent í því að lesa ekki alveg uppskriftina í gegn áður en við byrjum að baka og smjörið er allt of hart. Það tekur í kringum klukkutíma fyrir smjör að ná stofuhita ef þú leggur það á eldhúsborðið.

Við ættum að vita að í flestöllum bakstri er notast við smjör við stofuhita en virðumst samt alltaf gleyma því. En hvað er til ráða þegar löngun í súkkulaðibitakökur grípur yfirhöndina og eina sem stendur í vegi fyrir bakstri er allt of kalt smjör?

Þá dregur þú einfaldlega fram hníf og skerð smjörið í litla bita og setur á disk. Með þessu móti sparar þú í það minnsta þrjú kortér af annars einum klukkutíma sem það tekur fyrir smjörið að mýkjast.

Ef þú ert svo óþolinmóð/ur að þú getir ekki beðið í um það bil kortér er ráð að setja diskinn inn í örbylgjuofn á lægstu stillingu. Og þá bara í nokkrar sekúndur í einu. Hér ber þó að varast, því þú gætir óvart brætt smjörið í staðinn fyrir að mýkja það.

mbl.is/Colourbox

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt