Brjálæðislega gott frittata

Brjálæðis­lega gott frittata

• 1 lauk­ur
• 250 g litl­ir tóm­at­ar
• 200 g spínat
• 300 g kart­öfl­ur, soðnar
• 100 g parma­skinka
• 1 msk. ólífu­olía
• 2 stór hvít­lauksrif
• 4 egg
• 1 dl sýrður rjómi
• salt og pip­ar
• 1 stór mozzar­ellakúla

Annað:

• Ra­dísu­búnt
• púrru­lauk­ur
• rúg­brauð

Aðferð:

1. Hitið ofn­inn í 175°C.
2. Saxið lauk­inn og skerið tóm­at­ana í skíf­ur eða til helm­inga. Skerið kart­öfl­urn­ar í skíf­ur og skink­una í minni bita.
3. Hitið olíu á pönnu sem þolir að fara inn í heit­an ofn (má líka vinna allt á pönn­unni og setja í ann­ars kon­ar form). Steikið lauk, pressaðan hvít­lauk og kart­öfl­ur í þrjár mín­út­ur og bætið þá spínatinu sam­an við. Þegar spínatið hef­ur fallið sam­an, takið þá pönn­una af hit­an­um og setjið tóm­at­ana út á pönn­una.
4. Pískið egg sam­an við sýrðan rjóma og hellið á pönn­una. Blandið vel sam­an. Bætið parma­skin­kunni við og kryddið með salti og pip­ar.
5. Rífið mozzar­ella í litla bita og dreifið yfir rétt­inn. Setjið pönn­una inn í heit­an ofn (eða í annað form og inn í ofn).
6. Bakið í 25 mín­út­ur þar til gyllt á lit.
7. Skerið ra­dís­ur í skíf­ur og saxið púrru­lauk og toppið rétt­inn áður en hann er bor­inn fram. Berið fram með rúg­brauði eða öðru góðu brauði.