Marengsdraumur með ferskum berjum (fyrir 10)

Marengs

• 5 eggjahvítur
• 200 g sykur
• 200 g smátt saxaðar ristaðar heslihnetur
• 75 g hvítt súkkulaði, saxað
• 75 g smjör við stofuhita (plús smá meira til að smyrja formið)
• 2 msk. hveiti

Mascarponekrem

• 250 g mascarpone
• ½ dl flórsykur
• ½ vanillustöng
• 3 dl rjómi

Annað

• 500 g jarðarber
• 200 g hindber
• 125 g bláber
• flórsykur

Aðferð:

1. Pískið eggjahvíturnar stífar og bætið sykri saman við smátt og smátt. Pískið þar til marengsinn er loftkenndur.
2. Saxið hnetur og súkkulaði smátt og setjið út í deigið. Því næst kemur bráðið smjör og hveiti varlega út í.
3. Klæðið botninn á smelluformi með bökunarpappír og smyrjið hliðarnar með smjöri. Stráið örlitlu hveiti í formið og hellið deiginu út í.
4. Bakið við 175°C í 45 mínútur og látið alveg kólna.
5. Losið hliðarnar á forminu varlega frá og setjið tertubotninn á stórt fat.
6. Pískið mascarpone, flórsykur og vanillukornin létt saman. Bætið við rjóma og pískið þar til kremið verður þykkt og loftkennt.
7. Smyrjið kreminu á botninn og toppið með ferskum berjum að eigin vali. Sigtið flórsykur yfir í lokin og berið fram.