Matur | mbl | 12.6.2020 | 21:20

Girnileg appelsínukaka með ricotta og möndlum

Ljósmynd/Colourbox

Þetta er kakan sem þú vilt baka um helgina og bjóða upp á með kaffinu. Dúnamjúk og bragðgóð appelsínukaka með ricotta og möndlum á toppnum. Við mælum með að vanda valið er bakaðar eru kökur með hveiti. Því köku-hveiti gera kökubotnana meira loftkennda og smákökurnar verða stökkari.

Girnileg appelsínukaka með ricotta og möndlum (fyrir 10-12)

150 g mjúkt smjör
200 g sykur
1 tsk. vanillupaste
2 appelsínur, safinn og raspaður börkur
4 stór egg
250 g ricotta
50 g möndlumjöl
200 g hveiti
1 tsk. lyftiduft
50 g möndluflögur
Flórsykur

Aðferð:

Pískið smjör, sykur og vanillupaste þar til létt og ljóst. Pískið eggin út í, eitt í einu.
Blandið röspuðum appelsínuberki, safa og ricotta saman í skál og setjið út í blönduna.
Setjið möndlumjöl, hveiti og lyftiduft í skál og sigtið því út í blönduna.
Hellið deiginu í form, 22 cm, og dreifið möndluflögum yfir.
Bakið við 180°C í 45-55 mínútur.
Látið kólna og stráið flórsykri yfir áður en borið er fram.

Uppskrift: Ditte Julie Jensen