Ítalskir brauðsnúðar með parmaskinku

• 25 g ger
• 2 dl mjólk
• 2 egg
• 1 tsk salt
• 100 g smjör
• 500 g hveiti

Fylling

• 100 g pestó
• 100 g parmaskinka

Aðferð:

1. Hitið mjólkina volga í potti eða örbylgju. Leysið gerið upp í mjólkinni.
2. Setjið egg og salt út í mjólkina og smuldrið smjörinu út í hveitið. Blandið gerblöndunni saman við hveitið og hnoðið þar til slétt og mjúkt.
3. Látið hefast í 1 tíma.
4. Skerið parmaskinku í bita og blandið pestói saman við.
5. Fletjið deiginu út í sirka 30x42 cm. Smyrjið fyllingunni á. Leggið 1/3 af deiginu yfir að heilmingnum og síðan aftur yfir. Þannig að fyllinginn sé öll inn í deiginu.
6. Fletjið deigið aftur út í sirka 22x25 cm og skerið í 3 cm breiða strimla. Snúið upp á strimlana.
7. Setjið á bökunarpappír á bökunarplötu og látið hefast í 15 mínútur.
8. Bakið í miðjum ofni við 200° í 15-18 mínútur.