Við erum alltaf að reyna að gera rétt í heilsu og almennu mataræði. Þótt ótrúlegt megi virðast eru sumar matvörur ekki nógu góðar fyrir tennurnar þótt aðrar séu frábærar. Hér fyrir neðan er samantekt á nokkrum af bæði góðum og slæmum matvörum.

• Orkudrykkir þykja yfir höfuð ekki það besta fyrir þig og út af sýruinnihaldi drykkjanna geta þeir verið skaðlegir fyrir tennur. Ef þú drekkur orkudrykki reglulega eru meiri líkur á að tennurnar skemmist.

• Við verðum oft andfúl eftir að hafa borðað lauk, en í raun er laukur frábær fyrir tennurnar. Efni sem finnast í lauk ráðast beint á þær bakteríur sem gera göt í tennurnar og valda tannholdsbólgum.

• Ávaxtadjús er bæði sykraður og súr og því ekki góður fyrir tennur. Því eru áfengir kokteilar með ávaxtabragði einnig slæmir og auka hættuna á skemmdum tönnum.

• Það er freistandi að bryðja ísmola yfir sumartímann en það er ekki endilega það besta fyrir þig. Ef þú japlar mikið á ísmolum getur það skaðað glerunginn – og ef þú ert með tönn þar sem glerungurinn er tærður verðurðu mun næmari fyrir heitum og köldum drykkjum.

• Epli geta verið sæt og súr, en eru í raun mjög góð fyrir tennurnar. Þegar þú bítur í epli eykur það munnvatnsframleiðsluna og ræðst á bakteríurnar í munninum. Þú ættir alltaf að bíða með að bursta tennurnar í hálftíma eftir að hafa borðað epli, annars er hætta á að skemma glerunginn.

• Þú skalt hafa tannburstann reiðubúinn eftir að hafa borðað hvítt pasta. Klístur sest á tennurnar sem erfitt er að fjarlægja – jafnvel með tungu og munnvatni. Og þar sem það situr á tönnunum er það eins og veislumatur fyrir bakteríur.

• Góðar fréttir! Þú getur komið í veg fyrir tannskemmdir með því að borða dökkt súkkulaði sem inniheldur lítinn sykur og mikið af fjölfenóli. Að sögn vísindamanna er fjölfenól í kakói gott til að berjast við bakteríur í munni.

• Í baráttunni gegn tannskemmdum er jógúrt eitt það besta sem þú getur borðað. Jógúrt hjálpar til við að endurbyggja glerunginn og lækkar sýrustigið í munninum. Þú verður þó að velja sykurlausa jógúrt til að áhrifin komi fram.

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt