Matur | mbl | 15.10.2020 | 5:09

Maltersers bitar á 15 mínútum

Maltesers bitar sem taka rétt um korter í framreið. mbl.is/ Allison Abernethy

Sem betur fer þarf bakstur ekki að vera erfiður og við þurfum ekki mikið af hráefnum til að framleiða eitthvað ljúffengt í eldhúsinu. Hér eru Maltesers-bitar sem þú hristir fram á korteri!

Maltesers-bitar á 15 mínútum

100 g smjör
200 g mjólkursúkkulaði
3 msk síróp
225 g digestivekex
204 g Maltesers
175 g hvítt súkkulaði

Aðferð:

Bræðið smjör, mjólkursúkkulaði og síróp á pönnu á meðalhita í nokkrar mínútur þar til mjúkt.
Myljið kexið niður í matvinnsluvél eða poka.
Setjið súkkulaði-smjörblönduna í skál saman við kexið. Bætið Maltesers-kúlunum saman við (skiljið nokkrar eftir til skrauts) og blandið vel saman.
Setjið blönduna í 20 cm fat og þrýstið vel út í hliðarnar.
Bræðið hvíta súkkulaðið yfir vatnsbaði og hellið yfir Maltesers-kexblönduna. Myljið Maltesers-kúlur yfir og setjið inn í ísskáp í þrjá tíma. Takið þá út og skerið í bita.