Matur | mbl | 14.11.2020 | 16:09

Desert drauma þinna

Desert sem fær þig til að gleyma stund og stað. mbl.is/

Það hljómar fátt betra en bökuð hasselback-epli með vanilluís á köldum haustdögum. Hér er uppskrift sem fær þig til að gleyma öllu um stund og stað – og njóta.

Desert drauma þinna

Bökuð hasselback-epli

2 stór epli
ólífuolía
4 msk. sykur
2,5 msk. bráðið smjör
1 tsk. kanill
2 msk. haframjöl
1 tsk. hveiti
salt á hnifsoddi
vanilluís

Aðferð:

Hitið ofninn á 200°C.
Skrælið eplin og skerið til helminga og fjarlægið kjarnann úr þeim.
Skerið fínar og djúpar línur í eplin en passið að skera ekki alveg í gegn.
Setjið eplin í smurt eldfast mót.
Blandið saman 1 msk. sykri, ½ tsk. kanil og 1 msk. bráðnu smjöri – og penslið eplin.
Setjið álpappír yfir eldfasta mótið og bakið í ofni við 200°C í 20 mínútur. Takið álpappírinn af og bakið eplin áfram í 10 mínútur eða þar til gyllt á lit.
Blandið afganginum af hráefnunum saman og setjið ofan á eplin. Bakið síðan áfram í 200°C í 10 mínútur. Stillið ofninn á grill, í tvær mínútur til viðbótar.
Berið fram nýbakað með vanilluís.