Dásamlega falleg hönnunarverslun og sköpunarhús hefur verið opnað í miðbæ Reykjavíkur og kallast M I K A D O. Verslunin er í eigu Einars Guðmundssonar og Arons Freys Heimissonar.

Það er einstaklega jákvætt að sjá nýjar verslanir opnaðar á tímum sem þessum í hjarta borgarinnar, en Mikado er til húsa á Hverfisgötu 50, þar sem Húrra var áður. Það er hér sem fagurfræði, hönnun og prent mætast í glæstum vörum undir íslenskum, japönskum og skandinavískum áhrifum. Og við erum kolfallin!

Hér má finna fallegustu reykelsin, stílhreint leirtau og afar smart tekatla. Eins eru bollar, mjólkurkönnur, kerti, bakkar og kökustandar svo eitthvað sé nefnt í versluninni. Allt undursamlega stílhreint og fallegt.