Stærsta skyndibitakeðja heims hefur breytt umbúðum sínum til hins léttara – þar sem meðfædd gleði McDonald's skín í gegn.

Nýju umbúðirnar eru hannaðar af Pearlfisher sem voru spenntir fyrir tækifærinu að starfa með McDonald's – og leyfa hverjum og einum rétti að tala sínu máli á umbúðum sem eru litríkar og skrautlegar. Ostborgarinn er til dæmis kynntur með einni gulri rönd sem táknar ostinn, og eggjasamlokan með gulum hring sem á að vera merki fyrir eggjarauðuna – fiskiborgarinn hefur einnig fengið nýjar umbúðir í sægrænum lit með litlum öldum. Hér er haldið í einfaldleikann með því að notast við djarfa og sterka liti. Þess má einnig geta að keppinautur keðjunnar, Burger King, breytti líka nýverið umbúðum sínum í fyrsta sinn í 20 ár.

Þegar við loksins fáum að ferðast aftur er ekki ólíklegt að við munum njóta skyndibitans í nýjum litum – þar sem breytingarnar munu eiga sér stað á heimsvísu.