Þið munið eft­ir snún­ingskert­un­um sem voru svo vin­sæl hér á síðasta ári, og eru enn. Hér er al­veg nýtt trend að ryðja sér til rúms og kall­ar á smá fönd­ur.

Snún­ingskerti eða lituð kerti – hvort sem er, þá eru kerti alltaf góð að eiga inni í skáp til að draga fram á kósí stund­um. Hér er það allra heit­asta á net­inu í dag hvað kerti varðar. En til þess að skreyta kert­in sér­stakri marm­ara­áferð eða í því munstri sem þú vilt, þá þarf að fram­kvæma of­ur­ein­falda aðferð þar sem vaxlit­ir koma við sögu. Og hér er gott að nota kerta­af­ganga í verkið.

Svona skreyt­ir þú kerti með marm­ara­áferð

Þetta þarftu:

• Vaxliti í þeim lit sem þú ósk­ar (ekki olíuliti)
• Kerti
• Kerta­af­ganga
• Pott og vatn
• Skál og skeið

Aðferð:

1. Settu vatn í hálf­an pott.
2. Settu skál ofan á pott­inn og hitaðu vatnið að suðu (passið að skál­in sé stærri en pott­ur­inn).
3. Setjið kerta­af­ganga í skál­ina, sem sam­svara um hálfu til 2/​3 af venju­legu kerti. Passið að skera kveik­inn af, hafi verið kveikt á kert­inu áður. Bíðið með að kertið bráðni til að fjar­lægja rest­ina af kveikn­um í burtu.
4. Nú set­ur þú lit­inn út í skál­ina. Byrjið jafn­vel með hálf­an lit til að sjá hversu mikið þú hef­ur þörf fyr­ir. Ef þú sæk­ist eft­ir pastellit­um, þá er ráð að setja fyrst hvít­an lit sam­an við bráðnaða kertið og því næst þann lit sem þú ósk­ar.
5. Þegar lit­ur­inn hef­ur bráðnað sam­an skaltu hella hon­um yfir hvít kerti og passa að hafa aðra skál und­ir þar sem lit­ur­inn lek­ur niður í.
6. Góða skemmt­un!

Heim­ild: Bolig­magasinet