Við horfum fram á bjartari tíma! Lofthitinn hækkar og fljótlega hitum við upp í grillinu og förum í sumarkjól. Og gott fólk – við munum njóta okkar með prosecco sem nú verður í ísformi.

Þessi skemmtilegu mót kallast „sophistipops“ og gera þér kleift að búa til fjóra kampavíns- eða prosecco-íspinna. Eina sem þú þarft að gera er að fylla mótin með uppáhaldsdrykknum þínum og setja síðan meðfylgjandi glasfætur þar ofan á og inn í frysti. Síðan tekurðu í fótinn og losar úr forminu og færð þennan frábæra fullorðins-íspinna! Svo er upplagt að setja ætileg blóm eða ávexti með og frysta, það gerir drykkinn sumarlegri. Fyrir áhugasama þá kostar mótið um 1.500 krónur og fæst HÉR.