Kannastu við þegar timburmennirnir mæta til starfa og vinna hörðum höndum við að láta þig finna fyrir gleðskap gærkvöldsins? Þá er þetta máltíðin sem réttir þig af.

Það er uppskrift sem fer á ógnarhraða manna á milli á TikTok, en hún sameinar tvennt sem þú elskar og mun hjálpa þér að komast yfir erfiðasta hjallann eftir gott næturbrölt. Hér erum við að tala um eggja- og pestótvennu, sem er full af prótínum og hollum næringarefnum.

Trixið er að setja 1 msk af pestó út á pönnu og leyfa því að hitna. Því næst spælirðu egg á pönnunni eins og vaninn er, eða býrð til eggjahræru ef löngunin er í slíkt. Olían í pestóinu kemur í veg fyrir að eggin festist á pönnunni. Ef þú vilt gera réttinn enn kræsilegri skaltu krydda eggin með hunangi og rauðum chiliflögum – rista jafnvel brauð og para saman með avókadó, ricottaosti eða beikoni sem væri afar ljúffengt.

Mbl.is/@amywilichowski/Tiktok

Tengdar fréttir

Uppskriftir

Rúlluterta með ítölsku smjörkremi að hætti Finns

• „Ætlaði að kalla hana Jóa Kropp“
• Rúnar er búinn að fullkomna sósuna með purusteikinni
• Táknræn fyrir ævintýri síðustu ára
• Ómissandi að gera snjóbolta fyrir jólakaffið

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt