Matur | mbl | 25.5.2021 | 13:01 | Uppfært 14:43

Bleikja með fetaosti, hunangi og pistasíuhnetum

Girnilegur fiskréttur sem engan svíkur! Mbl.is/Hildur Rut Ingimarsdóttir

Hér er á ferðinni æðislegur fiskréttur sem tekur enga stund að reiða fram og smakkast upp á tíu. Bleikja með stöppuðum fetaosti, hunangi og pistasíuhnetum – borin fram með grænmeti, kartöflum og kaldri sósu. Þessi réttur er ekki bara hollur, heldur líka ómótstæðilega góður og kemur úr smiðju Hildar Rutar.

Dýrindis fiskréttur á núll-einni (fyrir 2-3)

500 g bleikja
ólífuolía
salt & pipar
100 g hreinn fetaostur
1-2 msk hunang
70 g pistasíur

Aðferð:

Skerið pistasíur smátt og stappið fetaostinn.
Leggið bleikjuna á bökunarplötu þakta bökunarpappír.
Dreifið ólífuolíu yfir og saltið og piprið eftir smekk.
Dreifið fetaosti yfir bleikjuna ásamt hunangi og pistasíum.
Bakið í 15 mínútur við 200°C eða þar til bleikjan er fullelduð. Njótið með góðu meðlæti.