Matur | mbl | 28.5.2021 | 21:33

Helgarkokteillinn - ástaraldin og vanillu gin

Sumarlegur og frískandi drykkur í boði Hildar Rutar. Mbl.is/Hildur Rut Ingimarsdóttir

Hér er heldur betur sumar í glasi, í girnilegum og frískandi kokteil með ástaraldin og vanillu gini. Áferðin á drykknum er unaðsleg og froðan setur punktinn yfir i-ið að sögn Hildar Rutar sem á heiðurinn að þessum svaladrykk.

Helgarkokteillinn - ástaraldin og vanillu gin (1 kokteill)

5 cl gin
3 cl safi úr sítrónu
3 cl sykursíróp með vanillu
1 ástaraldin
1 eggjahvíta
Klakar

Aðferð:

Hellið gini, safa úr sítrónu, sykursírópi með vanillu og eggjahvítu í kokteilahristara ásamt innihaldinu úr ástaraldini. Hristið vel í 15 sekúndur.
Bætið klökum saman við (mér finnst best að hafa þá stóra) og hristið í 30 sekúndur.
Hellið í glas og skreytið með ástaraldin. Njótið

Sykursíróp með vanillu

100 g sykur
1 dl vatn
3 tsk. vanillu extract

Aðferð:

Setjið vatn, sykur og vanillu extract í pott.
Bræðið sykurinn á vægum hita og hrærið þar til hann leysist upp. Kælið. Tekur nokkrar mínútur.
Ég helli sykursírópinu ofan í flösku með tappa og geymi í ísskáp. Það geymist í um 1 mánuð.