Skál með ferskum og safaríkum ávöxtum er hreinasta hnossgæti á góðviðrisdögum. En til að velja bestu ávextina í búðinni þarftu að kunna þessa aðferð.

Ástralskur maður að nafni Thanh Truong, sem kallar sig „fruitnerd“ á Instagram, deildi myndbandi af því hvernig eigi að velja bestu mandarínurnar (eða appelsínurnar) í búðinni – því við viljum hafa þær eins safaríkar og mögulegt er.

Veldu fyrst tvær mandarínur sem eru svipaðar að stærð. Finndu þyngdina í þeim með því að halda á þeim til skiptis í hendi. Því þyngri sem mandarínan er, því safaríkari er hún. Í myndbandinu má sjá er Thanh velur tvær mandarínur í sömu stærð en þegar hann leggur þær á vigtina sýna þær alls ekki sömu tölu – þar sem þær eru missafaríkar. En rannsóknir hafa sýnt fram á að slíkt gerist á vaxtarskeiðinu og að veðurfar spili þar inn í.

Eins telur hann að best sé að geyma sítrusávexti inni í ísskáp vilji maður lengja líftíma þeirra. Hægt er að sjá myndbandið og fræðast meira um ávexti hjá Thanh HÉR.

Þú finnur „Fruitnerd" á Instagram. Mbl.is/Instagram/fruitnerd

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt