Hvernig hljómar að fá þekktasta ítalska fatahönnuð heims til að hanna umbúðir fyrir þekktasta pastaframleiðanda Ítala – stórkostlega ekki satt?

Ítalski fatahönnunarrisinn Dolce & Gabbana hefur hannað nýtt útlit á pakkningar Di Martino-pasta. Sérstök útgáfa sem fagnar ítölsku ágæti með litum, táknum og minjum sem auðkenna landið. Nýju pakkningarnar eru nú þegar orðnar að raunverulegum póstkortum frá Ítalíu til að lífga upp á matarborðið með einstakri Miðjarðarhafshönnun. Og okkur langar til að smakka, því pastað hlýtur að bragðast töluvert betur í glæstum umbúðum. Eða hvað?