Hvernig er best að nýta tannkremstúpuna sem best? Jú, með þessari aðferð hérna sem mun breyta öllu í framhaldinu. Þú þarft ekki að leita lengra en hingað inn á matarvefinn, þar sem heitustu húsráðin er að finna.

Kannastu við að ná ekki öllu úr tannkremstúpunni, eða að túpan sjálf byrjar að vera frekar ógirnileg – öll ötuð út í tannkremi og klístri á toppnum? Það allra vinsælasta þessi dægrin er að draga fram litlar flöskur með pumpu, kreista tannkrem ofan í flöskurnar og bæta jafnvel smá vatni saman við eða flúori. Þá ertu kominn með stílhreina lausn á tannkremsveseninu sem krakkarnir á heimilinu munu einnig elska – því hvað er meira spennandi en að pumpa tannkremi á burstann!