Meistari Albert færir okkur vikumatseðilinn
Setja bókamerki
Tengdar fréttir
Frá matarbloggurum
Matarbloggarinn, smekkmaðurinn, royalistinn og vinsælasti matargestur landsins, Albert „eldar“ Eiríksson – færir okkur vikumatseðilinn þessa vikuna. Sérvalinn og afskaplega girnilegur matseðill ef þið viljið okkar alveg hlutlausa mat.
Mánudagur:
Mánudagar eru fiskidagar, við erum í átaki að borða oftar fisk – a.m.k. þrisvar í viku og það er skemmtilegt átak. Gott að byrja matarvikuna á fiskibollum í brúnni lauksósu.
Þriðjudagur:
Vinur okkar gaf okkur hreindýrahakk sem verður að hreindýrabollum sem Guðlaugur Þór er búinn að þróa og mastera – alveg sjúklega góðar bollur hjá ráðherranum sem er þrusukokkur.
Miðvikudagur:
Hluti af fiskiátakinu er að borða feitan fisk, þannig að lax og aðrir feitir fiskar eru oft á borðum. Stundum geri ég mitt pestó sjálfur og nota þá aðeins góða ólífuolíu í hana. Það er gott að hafa í huga að olíur eru misgóðar og mishollar. Fiskiuppskrift sem getur ekki klikkað.
Fimmtudagur:
Sjúklega góði mangó chutney-kjúklingarétturinn, einfaldur fljótlegur og öllum líkar vel.
Föstudagur:
Nýjasta uppáhaldsmatarlandið mitt er Portúgal. Hef farið þangað nokkrum sinnum og aldrei orðið fyrir vonbrigðum. Í Portúgal er sagt að til séu 365 uppskriftir að saltfiski en ég er viss um að þær eru mun fleiri.
Laugardagur:
Það er gaman að halda í hefðir, ég er alinn upp við hrísgrjónagraut í hádeginu á laugardögum. Eins og kunnugt er getur verið vandasamt að sjóða hrísgrjónagraut, hann getur ýmist orðið of þunnur, þykkur eða vill brenna við. Skotheld aðferð er að láta suðuna koma upp á löngum tíma, slökkva þá undir og pakka pottinum inn í handklæði, svuntur og fleira og láta standa þannig í nokkra tíma.
Sunnudagur:
Hægeldaður lambahryggur með bernaise-sósu. Gaman að upplifa hvað bernaise er komin í tísku enn og aftur. Alvöru-bernessósa er einstaklega ljúffeng og passar vel með lambakjöti.
Tengdar fréttir
Frá matarbloggurum
Gefa ekki einkunnir í tölu- eða bókstöfum
/frimg/1/57/71/1577174.jpg)
Lögsókn vegna Múmínlundar í Kjarnaskógi
„Fullt af rauðum flöggum“ sem hefði átt að grípa
Sanna íhugar stöðu sína í Sósíalistaflokknum
Tíðindin óvænt og vaxtalækkun ósennileg
„Sjálfstæð blaðamennska ekki lengur möguleg“
„Neikvæðar afleiðingar fyrir íslensk heimili“