Tiltektardagar eru ekki uppáhaldsdagar vikunnar, en við getum auðveldað okkur lífið heilmikið með því að fylgja örfáum reglum. Hér eru þrjár tillögur að betri tiltektardögum fyrir utan að hækka í tónlistinni á meðan þú þrífur.

Stærri fletir

Byrjaðu á öllum stærri flötum, þá kommóðum, eldhúsborðinu, gluggakistum og skrifborði; þeim yfirborðsflötum þar sem hlutir flæða oft út um allt og við vitum í raun ekki hvað við eigum að gera við þá. Staðreyndin er sú að það skapast ringulreið í amstri dagsins og hlutir eiga það til að enda á vitlausum stöðum. Finnum þessum hlutum pláss. 

Mitt og þitt

Í samböndum er mikilvægt að virða „mitt og þitt“. Spurðu maka þinn hvort þú megir „ráðskast“ með dót hans/hennar eða hvort hann/hún ætli að ganga frá því sjálf/ur. Hér getur verið átt við ýmsa pappíra, vinnuskjöl eða annað sem viðkomandi hefur dreift úr á eldhúsborðinu eða inni í svefnherbergi.

Flokkaðu

Komdu skipulagi á hlutina. Margir eiga það til að dreifa sömu hlutunum víða um heimilið þótt einn staður sé nóg. Til dæmis er óþarfi að vera með handklæði á mörgum stöðum þó að fleiri en eitt baðherbergi sé að finna á heimilinu. Það verður allt miklu auðveldara þegar hlutirnir eiga sinn fasta stað.

- - -

Fylgstu með Mat­ar­vefn­um á In­sta­gram og Face­book. Enda­laus æv­in­týri, hug­mynd­ir, skemmti­leg­ir leik­ir og allt það heit­asta heita ...

Svo megið þið endi­lega tagga okk­ur á In­sta­gram þegar þið eruð að elda eitt­hvað spenn­andi @mat­ur.a.mbl

Tengdar fréttir

Húsráð

Ráð fyrir ferskustu handklæðin

• Svona þrífur maður hvíta skó
• Þess vegna ættir þú að borða papaja daglega
• Svona geymast eggjahvítur og eggjarauður best
• Matvæli sem róa magann

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Tiltektarsérfræðingar