Matur | mbl | 5.4.2022 | 9:24

Tíramisú morgungrauturinn sem vekur þig

Ljósmynd/Helga Magga

Hljómar ekki vel að fá sér tíramisú í morgunmat? Hér er grautur sem kaffiunnendur mega ekki láta framhjá sér fara. Og það besta er að, þennan má auðveldlega útbúa kvöldinu áður að sögn Helgu Möggu sem á heiðurinn að uppskrfitinni.

Tíramisú morgungrauturinn sem vekur þig

Tíramisú morgungrauturinn sem vekur þig

40 g haframjöl
5 g chia fræ
5 g kakó duft
Smá salt
25 g vanillu próteinduft
1 lítill sterkur kaffibolli 30 ml
75 ml fjörmjólk
130 g Ísey vanilluskyr

Aðferð:

Þú byrjar á að setja saman í skál haframjöl, chia fræ, kakó, salt og próteinduft. Blandar svo saman við þetta kaffinu og fjörmjólkinni og lætur blönduna bíða í ísskáp yfir nótt. Ef þú ert að gera grautinn samdægurs er sniðugt að minnka örlítið mjólkina svo grauturinn verði þykkari, blandar þá saman í skál og lætur bíða í um 15 mínútur.
Þú raðar svo lögum af hafragrautnum og vanilluskyrinu á víxl og setur smá kakó efst.
Mér finnst þægilegt að nota instant kaffiduft til að búa til kaffibollann.