Matur | mbl | 17.5.2022 | 17:00

Saltfiskpanna með tómötum, capers og ólífum

Ljósmynd/Albert Eiríksson

Albert Eiríksson býður hér upp á dýrindis fiskrétt sem er eiginlega nauðsynlegt að prófa enda saltfiskur einn sá albesti fiskur sem hægt er að fá.

„Einfaldur fiskréttur á pönnu sem er tilbúinn á borðið á innan við hálftíma er alltaf góð hugmynd. Hér er klassísk Provençal-saltfiskuppskrift í sterkri tómatsósu með kapers og ólífum. Fljótlegur, einfaldur og hollur réttur – allt á einni pönnu sem er ótrúlega bragðgóður réttur með saltfiskinum góða frá Elvari í Ektafiski,“ segir Albert um þennan dásamlega rétt sem á alltaf vel við; bæði hversdags og spari.

Saltfiskpanna með tómötum, capers og ólífum

800 g útvatnaður saltfiskur
2 msk. ólífuolía
2 hvítlauksrif söxuð
1 laukur, saxaður
3-4 stórir tómatar, skornir í bita
2 dl steinselja
2 tsk. timían
pipar
20 svartar ólífur
2 msk. kapers
1/2 sítróna

Aðferð:

Steikið lauk í olíunni á pönnu. Bætið við hvítlauk.
Látið tómata, steinselju og pipar og sjóðið í nokkrar mínútur.
Bætið þá við ólífum og kapers
Skerið saltfiskinn í bita og raðið á sósuna, lokið og sjóðið þar til fiskurinn er soðinn.