Nú á dög­un­um opnaði Vipp nýtt rými við höfuðstöðvar sín­ar sem er hreint út sagt stór­kost­legt – en hér sjá­um við gaml­an bíl­skúr sem hef­ur verið breytt í glæsi­legt sam­komu­rými.

Bíl­skúr frá miðri síðustu öld hef­ur verið breytt í menn­ing­ar­hús sem á eng­an sinn lík­an. Vipp Gara­ge er staðsett á Íslands­bryggju. Í næsta húsi eru höfuðstöðvar fyr­ir­tæk­is­ins staðsett­ar sem og eitt af hót­el­rým­um Vipp sem kall­ast Vipp Loft. Skúr­inn er nýj­asta rýmið sem Vipp opn­ar, og það er eins glæsi­legt og annað sem þeir senda frá sér. Síðastliðið haust opnuðu þeir svo­kallaðan kvöld­verðar­klúbb, þar sem þekkt­ir kokk­ar mæta og elda ofan í gesti sem þar bóka borð.

Það eru arki­tekt­arn­ir Frank Ma­ali og Gem­ma Lalanda sem hafa umbreytt gamla skúrn­um í nýj­an menn­ingaráfangastað fyr­ir Vipp, þar sem hægt er að taka á móti fólki fyr­ir mis­mun­andi viðburði – tón­leika, fyr­ir­lestra, mynd­list, arki­tekt­úr og kvöld­verðaklúbba. Að sögn Kasper Eg­e­lund for­stjóra Vipp, þá er það þeirra ein­læg ósk að fyr­ir­tækið sæk­ist nær fé­lags­legu rót­un­um hvað menn­ingu varðar – þá með tónlist, mat og list, eða allt sem sam­ein­ar fólk á já­kvæðan hátt er það hitt­ist og á nota­leg­ar stund­ir sam­an. Og það er ekki til betri leið en að hanna og skapa um­gjörðina alla leið, til að fólk fái sem mest og best út úr upp­lif­un­inni.

Skúr­inn hýsti áður bíla­verk­stæði frá ár­inu 1950 og hafa end­ur­bæt­ur verið í vinnslu síðustu tvö árin. Hverfið, var áður gam­alt verka­manna­hverfi þar sem iðnaðarbygg­ing­ar risu hvaða hæst – og það var það sem vakti inn­blást­ur arki­tekt­anna er þeir hóf­ust handa við breyt­ing­arn­ar. Niðurstaðan varð að stór­kost­legri umbreyt­ingu á göml­um skúr sem í dag mark­ar það sem Vipp stend­ur fyr­ir – glæsi­leika og góða hönn­un. Það eru hvorki meira né minna en 4,5 metr­ar upp í loft sem er múr­steinslagt, eða hylli til Holger Niel­sen, mann­inn sem stofnaði Vipp árið 1939 i Rand­ers og æv­in­týrið byrjaði. Gól­f­efnið er úr svört­um stein­um og vegg­ir klædd­ir dökk­um stál­plöt­um. Við enda rým­is­ins er eitt af Vipp eld­hús­un­um og þar fyr­ir aft­an er gler­vegg­ur eft­ir endi­löngu rým­inu sem hleyp­ir birt­unni vel inn - þar má einnig sjá glitta í fal­leg­an bak­g­arð. Rús­ín­an í pylsu­end­an­um er þakver­önd­in sem geym­ir lítið gróður­hús með eld­hús­hönn­un frá Vipp, en ver­önd­in geym­ir einnig fal­leg­an gróður ásamt setu­stofu og svo ekki sé minnst á fal­legt út­sýni yfir nær­liggj­andi hverfi Kaup­manna­hafn­ar.

Það sem vek­ur þó mestu at­hygli þeirra gesta sem rata í skúr­inn, er hið stór­kost­lega fal­lega og vandaða borðstofu­borð. En það var inn­an­húss­hönnuður­inn Ju­lie Cloos Møls­ga­ard sem með aðstoð steypu­meist­ar­anna Petter­sen & Hein ásamt glerl­ista­manns­ins Al­ex­and­er Kir­ke­by sem létu drauma­smíðina að borði ræt­ast. Hring­borðið er fimm metra breitt og rúm­ar hvorki meira né minna en 24 í sæti, og þess má geta að stól­arn­ir eru all­ir hönn­un Vipp. Kasper Eg­e­lund seg­ir jafn­framt í frétta­til­kynn­ingu að arf­leiðin sé alls ekki týnd, er fyr­ir­tækið var stofnað á málm­verk­stæði afa hans og í dag opna þeir skúr sem geym­ir þá hönn­un sem á ræt­ur sín­ar að rekja beint til fyrstu vöru fyr­ir­tæk­is­ins – eða rusla­tunn­unn­ar frægu sem marg­ir þekkja svo vel.