Lottómiðinn sem breytti lífinu
Setja bókamerki
Tengdar fréttir
Uppskriftir
Það er réttur sem víkur ekki af matseðli veitingastaðarins á Hótel Geysi í Haukadal, og það er bleikjan. Vinsældir réttarins eru ómældar og ekki að ástæðulausu – því yfirkokkur staðarins, Bjarki Hilmarson, á heiðurinn að disknum sem einnig á sér skemmtilega sögu.
Þeir sem hafa bitið í matseld Bjarka vita að þar verður enginn svikinn – enda er Bjarki einn af okkar fremstu matreiðslumönnum. Við náðum tali af Bjarka sem sagði okkur söguna á bak við bleikjuna góðu. „Fyrir rúmum þrjátíu árum síðan var ég búsettur í Frakklandi, er samstarfsmaður minn var svo heppinn að vinna ferð til Tahítí í lottói. Þegar hann kom til baka sagði hann mér frá lausu starfi hjá matreiðslumanni þar á eyjunni og ég ákvað að færa mig yfir í nokkra mánuði. Þar lærði ég að matreiða þennan þjóðarrétt Tahítí búa, sem venjulega er matreiddur með túnfisk – en þar sem erfitt var að fá ferskan túnfisk hér heima á sínum tíma, þá útfærði ég réttinn með bleikju sem einnig er afbragðsgóð,“ segir Bjarki um réttinn.
Lottómiðinn sem breytti lífinu
Bleikjan hans Bjarka á Geysi
- 400 g bleikja
- 1 laukur
- 1-2 tómatar
- Hálf agúrka
- 1 dl kókosmjólk
- ½ msk. salt
- 3 lime
Aðferð:
- Skerið bleikjuna í teninga.
- Saxið laukinn smátt og tómatana í bita.
- Skrælið agúrkuna og skerið langsum.
- Kreistið lime safann yfir og blandið öllu saman. Smakkið til með salti og lime.
Tengdar fréttir
Uppskriftir
Vísa átti íbúa út daginn eftir brunann
Skilyrðislaus krafa að gíslum verði sleppt
Ósáttir við níu ára tafir Reykjavíkurborgar
Eldur í Garðabæ
Þeir sem skráðu tímana hafa ekki verið sendir í leyfi
Kort sýnir fyrirhugaðar lokanir í Heiðmörk