Matur | mbl | 17.9.2022 | 19:52 | Uppfært 21:29

Kokteillinn sem Elísabet Bretlandsdrottning elskaði

Drottningin var mikil selskapskona og elskaði fátt meira en góðan kokteil.

Það berast víða fréttir af drottningarmóðurinni sem lést nú á dögunum, en hún var þekkt fyrir að sötra ljúffengan ginkokteil sem við höfum uppskriftina að.

Elísabet Bretadrottning elskaði Dubonnet í bland við gin og gerði í áraraðir. En drykknum var blandað saman við tvo ísmola og skreytt með sítrónubát. Þessi drykkur er tilvalinn til að skála í eftir helgina þegar Elísabet verður borin til grafar.

Uppskrift að drottningarkokteil

60 ml Dubonnet
30 ml gin
ísmolar
sítrónubátur

Aðferð:

Settu kokteilhristara í frysti í klukkutíma áður en þú ætlar að hrista saman kokteil.
Settu Dubonnet og gin í hristarann og hrærðu í með skeið þar til blandan er orðin köld.
Bættu við tveimur ísmolum og sítrónubát í glas áður en þú hellir drykknum í glasið.
Berðu fram og njóttu – skál!